感謝本校 專職族語老師 汪惠恩老師 翻譯

eoskoskopa ‘e ‘oyonatoatmopsʉ

(一)‘e hea nona’o ta ‘oyonatoatmopsʉ:

ne ahoisi zou lauyakuoseao, ne mosocu la tosvo ‘o sianglngkuocong, maica mo uk’a kuocong ‘e psoseongana, ohecu la yainca tee p’eac’a ‘e kuocong, ne moso 96.08.01mo ayoc'ʉ no p’eac’a ‘o kuocong ta psoseongana, ne mosocu 97.10.05 isi aot’ova ‘o ceoa ho p’eac’a ‘emo faeva ci ‘oyonatoatmopsʉ. ne mosocu 98.08.01 isicu a’ʉmta p’eac’a ‘e ‘oyonatoatmopsʉ ci alisankuocongseao.

(二)ne ohocu titha ：

mo ahoi ne 98.08.01 ‘o kuocong ho kuoseao micu ‘osni meelʉ tmopsʉ, at’inghi amcuisi ala aepʉnga ‘o te yoni tmopsʉ, ko’ko mosoc’o akameosʉ yuevaho to minghokuocong ho poa tmopsʉ ‘o ‘o’oko tan’e. ne micu 98.09.28 mosocu yuovei ta hosa ta lalauya ho tmopsʉ ta koucong ‘o ‘o’oko, nemo 98.12.ohsicu acʉha aepʉnga ‘o te yoni tmopsʉ ta ‘o’oko ci ‘oyonatoatmopsʉ, ’o ‘o’oko micu acʉhʉ meelʉ yaa yonia cimo faeva ci ‘oyonatoatmopsʉ ho aʉsvʉsvʉtʉ.

(三)aezuhu‘e hea aʉsvʉtʉ：

    'e psoseongna zou coua’toana ‘e la yontan’e, honci tee ‘ucea atʉkca ‘e h’oyunsova ta coua’toana, te yaeza so’upa ‘o ausuhca poa ʉmmʉ na to'hʉng to ‘o’oko ci heama’cohio, ko’ko ne mocu108.08 mo aezuhu ‘e hea ma’cohio ‘oyonatoatmopsʉ, hocu so’upa ‘e aʉsvʉsvʉtʉ nomo mav’ov’o ci h’oyusova ta coua’toana, isicu asansana ‘e hea moma’cohio ta a’a’ausa ta coua’toana.

(四)‘e hea meoisi ta ‘oyonatoatmopsʉ：

'e kuocong mo tuyu no you, ’e kuoseao mo monʉ no you, mo se’conza maskʉ veia ucni ‘e ‘o’oko .moc’o kakutia ‘e ‘o’oko ho na’no nomsz’eonʉ ta fuengu ci ‘oyonatoatmopsʉ. mo yonta lalauya ta psoseongana, mo maezo notaico ta psoseongana, mo 1206 ‘e heasi pepe ta fuengu, mo na’no ʉmnʉ ‘e ‘oyona tan’e, maezo mav’ov’o ‘e suezopʉ, panto coua’toana. puutu. ke’anga.

(五)zou athucu eahioa ta psoseongna：

mo yonta lalauya ‘e ‘oyonamopsʉ, zou athuhcusi ta psoseongna,mo na’no ʉmnʉ ‘o h’oyunsova ta coua’toana, maica mo asngʉcʉ ohsuhcu ‘ela ‘oyona. at’inghi ‘e hea atʉkca ci h’oyunsova ta coua’toana, te aupcieva hioa ta ‘oyonatoatmopsʉ, ’e huehungu ta ‘oyonatoatmopsʉ, teec’o acʉhʉ meelʉ yʉmeʉmʉ ta ‘oyonatoatmopsʉ ho bobaito ho yaeza to’usi ‘e lema’cohio ho pa’cohivi no h’oyunsova ta coua’toana. ’e ‘oyonatoatmopsʉ te yaeza pnanfi na tonʉ ho pa’cohivi no h’oyunsova no coua’toana.

(六)'emo afnaso ci emoo ta ‘oyonatoatmopsʉ：

1. ne moso 111 ci tonsoha ‘o  ho mo’o ‘akuyaeana ho mamameoi mo toehungu toʉsvʉsvʉtʉ no hea mooyai tataka, ohecu p’eac’a to mameoi to tapangʉ ‘o tataka.ne moso yahioa, lean’a yaez ausu’va popa’cohivi ‘o ‘o’oko ta ‘oyanatmopsʉ, ho poa cohivineni to ‘o’oko ‘e hea mooyoyai ta tataka .
2. 'e la ’oyona ya’ei: isi poa ongkoneni ‘e lalauya, maica mosola afnaso man’i ‘o lauya ta hosa tan’e ne noana’o.
3. 'e tonghifa ta ‘oyonatoatmopsʉ: mo na’no man’i ‘ohsila ta’ongki to ‘avai yoifoana, ’e isi ta’ongki ci tma’ongko mo man’i ‘o ehohamva ta cou a’toana, te peela ‘osnia poa cohivineni tomo bobaito ci yatatiskova na a’a’ausna ta coua’toana.

      (七) 'emo afnaso ci hea aʉsvʉsvʉtʉ :

1. ‘e hea aʉsvʉtʉ ta ‘o’oko,moc’o maezo to ‘o’oko ne ngeesangsi, at’nghi homo yonta ‘oyonatoatmopsʉ ta fuengu ten’a meelʉ aʉsvʉtʉ to h’oyunsova ta coua’toana, te peela yu’ticngiha ‘e hea yansoua ta coua’toana, ’emo maica ci hea aʉsvʉsvʉtʉ uk’as’a ne ngeesangsi.
2. 'e hea aʉsvʉtʉ ta h’oyunsova ta coua’toana: lean’a eyaeza pa’cohivi titho to kaapana ho mooyai to husu 、 takubingi 、 maezo aʉsvʉtʉ eyaso ho mo’to’ʉ, tata’za ‘e ‘o’oko honci hin’i peela yu’ticngha ‘e h’oyunsova ta coua’toana.

       (八)'emo afnaso ci peistothomʉ :

1. kuoseao: ho tenac’u noepʉngʉtmopsʉ ta kuoseao ‘e ‘o’oko, la hafa uhne fuengu ho miski ho poa bobaito, lahe haahafa to leeyafou ho aʉsvʉsvʉtʉ, yaeza honga ‘o mav’ov’o ci cacʉfeʉa ne fuengu, mooyai husu ho takubingi, mooyai teova ho soupuzu ho pei’i, mooyai h’oepona no coecona no ceonʉ no leeyafou, tee peela aʉsvʉta na hea h’oyonsova ho la yonto fuengu poa ta’hongneni to ‘o’oko no tmopsʉ.
2. kuocong: ’e micu kuocng ci ‘o’oko, leahe hafa to leeyafou ho uhne fuengu ho la yofna, leahe pa’cohivi na tela ‘oaiti ci tela co’cohivi ho la yue’i’ia ci mo mav’ov’o ci ’a’aausna, maitoeno :peisia, yuansou, poepe, su’ku no yuansou, honci alʉ maemayo ten’a pacohivi yaa ‘o snʉfʉ ho aʉsvʉtʉ aangae, te ko’ko peela poa co’cohivineni ‘o h’oyunsova no leeyafou.